KFOR ka njoftuar, se Zyra e Këshilltarit Gjinor të KFOR-it si dhe Zyra për Marrëdhënie me Publikun, po vazhdojnë një fushatë ndërgjegjësuesë për martesat e hershme.
Sipas njoftimit, këto martesa të cilat më shpesh ndodhin nën moshën 16 vjeçare, kanë pasoja të rënda shëndetësore, sociale si dhe ekonomike për vajzat dhe djemtë.
Po ashtu, në njoftim, bëhet e ditur se lidhur me këtë, një zyrtare e KFOR-it ka takuar një grup vajzash në Mitrovicë, me të cilat ka shkëmbyer mendime mbi rëndësinë e ndjekjes së shkollës dhe rëndësinë e arsimit në zhvillimin personal e profesional.
“Zyra e Këshilltarit Gjinor të KFOR-it dhe Zyra për Marrëdhënie me Publikun vazhduan një fushatë ndërgjegjësuese për martesat e hershme, të cilat shpesh ndodhin nën moshën 16 vjeçare dhe kanë pasoja të rënda shëndetësore, sociale dhe ekonomike për vajzat dhe djemtë. Një zyrtare e KFOR-it u takua me një grup vajzash në Mitrovicë. Ato shkëmbyen mendime mbi rëndësinë e ndjekjes së shkollës, përfshirë rolin thelbësor që luan arsimi për zhvillimet personale dhe profesionale”, thuhet në njoftim./teve1.info/.
