Gjithashtu, tregoi se në kuadër të pakos mbështetëse, 270 mijë pensionistëve u janë shpërndarë shtesat prej 100 eurove.
“Sot gjatë ditës kemi nënshkruar marrëveshjen me 39 organizata të cilat kryesisht si veprimtari kanë shpërndarjen e pakove ushqimore, ku gjithsej pritet të shpërndajnë 34 mijë pako ushqimore, në vlerë prej 1.7 milion euro. Deri më tani në kuadër të pakos mbështetëse janë shpërndarë për rreth 270 mijë pensionistë me mbështetje shtesë prej 100 euro, është shpërndarë edhe dyfishi i skemës sociale për 26 mijë familje, si dhe sot janë ekzekutuar edhe pagat për sektorin publik me shumën prej 100 euro”, tha Murati.
