Politologu Albinot Maloku, ka vlerësuar se Qeveria e Kosovës nuk ka arritur ta shfrytëzoj në aspektin politik e diplomatik rastin e sulmit terrorist në Banjskë.
Ai ka thënë se nuk ka parë diçka konkrete që ky rast të jep efekt në aspektin e përkrahjes politike.
“Nuk po e kujtojë ndonjë moment që ka prodhua efekt të pastër, përkrahës jo vetëm në fjalë, por në vepër politikisht prej momentit të Banjskës e deri më sot nga faktori ndërkombëtar, që ka ditë Qeveria e Kosovës t’i jap një formë aq të mirë që të marrë përkrahje politike. S’kam parë diçka të prekshme si përkrahje për Republikën e Kosovës që çështja e Banjskës edhe atë karakterin politik ta mbulojë fuqishëm nga aleatët tanë”, ka thënë Maloku në emisionin “Këndi i Debatit” në Tëvë 1.
Afër një vit nga sulmi në Banjskë, Prokuroria Speciale e Kosovës ka ngritur aktakuzë ndaj 45 personave për këtë sulm.
