Pas vizitës në Kosovë, emisari i Bashkimit Evropian ka njoftuar se do të vizitojë edhe Serbinë për t’u dakorduar për takimin e radhës në mes Kosovës dhe Serbisë në Bruksel. Nga BE-ja dhe Qeveria e Kosovës nuk po tregojnë se kur pritet që të mbahet ky takim, derisa për kryeparlamentarin Glauk Konjufca, dialogu në mes dy vendeve është në një qorrsokak dhe Bashkësia Ndërkombëtare është e njëanshme në këtë drejtim.
Të premten e vizitoi Kosovën.
E gjatë kësaj jave, emisari i Bashkimit Evropian për dialogun Kosovë-Serbi, Miroslav Lajçak pritet të shkoj edhe në Serbi.
Me këto vizita ai po përgatitë agjendën për takimin e ardhshëm të kryenegociatorëve të Kosovës dhe Serbisë.
Të hënën, Bashkimi Evropian nuk dha detaje për televizionin se kur pritet të takohen Besnik Bislimi dhe Petar Petkoviqi.
Mirëpo për kryetarin e Kuvendit të Kosovës, Glauk Konjufca, dialogu në mes dy vendeve është në një qorrsokak.
Madje Konjufca thotë se Bashkësia Ndërkombëtare është e njëanshme në këtë drejtim.
Nga ana tjetër, njohësi i politikës, Visar Xani nuk pret diçka të re në takimin e radhës.
E detaje për datën e takimit nuk dhanë as nga Qeveria e Kosovës.
