Policia ka njoftuar se viktima është paraqitur në stacionin policor në Malishevë dhe ka njoftuar për rastin.
Sipas tij dy persona rreth moshës 30 – 35 vjeçare në zonën e Malishevës, e kanë ndaluar dhe njëri prej tyre i ishte prezantuar si polic. Të njëjtit kanë kontrolluar veturën dhe nën ulëse i kanë marrë një qantë dore e që brenda saj kishte rreth 40 – 50 mijë euro, dhe një telefon së bashku me librezën e veturës, raporton teve1.info
“Me datë 27.04.2022 rreth orës 20:55 ne Stacionin Policor-Malishevë është paraqitur tani viktima shtetas turk, drejtor i një poliklinike në Prishtinë, duke theksuar se rreth orës 18:00 me veturën e tij me tabela te Shqipërisë ishte duke qarkulluar në Autostradën ,,Ibrahim Rugova’’ nga drejtimi Prishtinës në drejtim të Prizrenit. Të njëjtin në zonën e Malishevës e kanë ndaluar dy persona të moshës 30-35 vjeçare, që ishin me veturë dhe njëri ishte prezantuar si polic. Të njëjtit kanë kontrolluar veturën dhe nga vendi ( nen ulëse) i kanë marrë një qantë dore qe brenda saj kishte rreth 40 – 50 mijë Euro para, një telefon IPHON dhe librezën e veturës” thuhet në njoftim.
Policia ka bërë të ditur se shtetasi turk ka deklaruar se tek te dyshuarit kishte vërejtur se mbanin armë në brez, por që sipas tij nuk e kishin nxjerr nga brezi.
“Viktima deklaron se tek te dyshuarit kishte vërejtur se mbanin armë ne brez , por qe nuk i kishin nxjerr nga brezi. Pas kryerjes se grabitjes te dyshuarit me veturën e tyre janë larguar ne drejtim të Prizrenit. Hetimet në vijimësi”, ka njoftuar Policia.
