Anëtarja e LDK-së, Besa Gaxherri ka kritikuar ashpër Qeverinë e Kosovës sa i përket çështjes së hapjes së urës mbi lumin Ibër.
Gaxheri tha se mënyra se si kanë bërë “marketing” çdo ditë në veri është “irrituese e shumë gërrditëse”.
“Fatkeqësisht ka një heshtje për hapjen e urës, një herë patë një marketing që e bënin atje çdo ditë prej ministrave që ishin irrituese, shumë gërrditëse mënyra se qysh vepronin. Sepse, hapja e urës është legjitime, hapja e saj duhet me ndodhë”, tha ajo në emisionin “Info Nata” në Tëvë1.
Sipas saj, çdo veprim i Qeverisë në veri janë lojëra elektorale që i bëjnë dëm Kosovës.
“Por, të veprosh kështu kur ne i dimë specifikat tona, i dimë problemet tona, por të veprosh kështu për ta shitë në opinion për të marrë një grusht votash, kjo është e papranueshme. Këto janë lojëra elektorale, kanë të bëjnë në dëm të Kosovës”, deklaroi Gaxherri.
“Ura ka me u çelë e duhet me u çelë, por edhe Kurti e dinë se qysh duhet me u çelë”, shtoi ajo./teve1.info/
