Disa ditë pas mbylljes së Komunës Paralele nga aksioni i Policisë së Kosovës materialet e këtij institucioni erdhën në Stacionin e Policisë së Kosovës në veri. Nga Policia thonë se punëtorët mund të vijnë të i marrin aty gjërat personale. Policia do ti merr nw pyetje pesw persona lidhur me mbylljen e objekteve paralele.
Deri të premten e 30 gushtit, këto materiale ishin në zyrat e Komunës Paralele në Mitrovicën Veriore.
E gjatë bastisjes së Policisë së Kosovës, të gjitha u larguan.
Të njëjtat, të mërkurën u sollën në Stacionin e Policisë së Kosovës në veri.
Përveç materialeve, në këtë kamionë janë edhe gjërat personale të punëtorëve që u larguan.
Zëvendësdrejtori i Policisë në këtë rajon, Veton Elshani thotë se punëtorët mund t’i marrin gjërat në këtë institucion.
E përveç bastisjes, Policia e Kosovës ka dërguar edhe pesë ftesa për intervistim të personave si të dyshuar për falsifikim të dokumenteve.
Elshani thotë se katër prej tyre i kanë pranuar këto ftesa.
Televizioni mëson, se këta janë zyrtarë të Listës Serbe.
Të martën, punëtorët e këtij institucion që i takonin strukturave paralele serbe protestuan për rikthim në punë.
Institucionet e Kosovës më 30 gusht mbyllën pesë komuna paralele serbe që vepronin në katër komunat veriore me arsyetimin se këto “kanë shkelur kushtetutshmërinë dhe ligjet e Republikës së Kosovës”.
Mbyllja e tyre u kritikua nga ndërkombëtarët, duke i quajtur këto veprime të njëanshme. /teve1.info/
