Të shtëna me armë ka pasur sërish sot në lagjen “Aktash” në kryeqytet.
Kësaj radhe, një person me armë në dorë ka kërcënuar një punonjës të “Extreme Pizza”.
Lajmin për Tëvë1 e ka konfirmuar zëdhënësja e policisë për rajonin e Prishtinës, Flora Ahmeti, e cila ka thënë se policia ka dalë në vendin e ngjarjes dhe po heton rastin.
“Sot rreth orës 14:20, kemi marrë informatën për gjuajtje me armë zjarri të ndodhur në rrugën ‘Gazmend Zajmi’ në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen”, ka deklaruar Ahmeti./teve1.info/
