Kujtimi për të i mblodhi në një vend. Politikanë e liderë botëror, të mërkurën u mblodhën në Katedralen Kombëtare të Uashingtonit. Krejt kjo, për t’i dhënë lamtumirën e fundit, ish-sekretares amerikane të shtetit, Medeline Albright.
E në mesin e pjesëmarrësve në këtë ceremoni, ishin edhe presidentja e Kosovës Vjosa Osmani dhe kryeministri, Albin Kurti. E këta të dy, duket se e shfrytëzuan rastin, për një bisedë me sekretarin e shtetit, Antony Blinken.
E takimet në këto ceremoni, sipas analistit Belgzim Kamberi, mund të rezultojnë të suksesshme më pas.
Por, sipas Kamberit, për këtë duhet të ketë koordinim me të mirë mes krerëve të shtetit.
E i pranishëm në këtë ceremoni, ishte edhe ish-deputeti i Lidhjes Demokratike të Kosovës, Faton Bislimi.
Ky nga katedralja ku po mbahej ceremonia, për Tëvë1, tha se emri i Medeline Albright, do të shkruhet me shkronjat arta në historinë e Kosovës.Në këtë cermoni ishte i pranishëm edhe presidenti aktual i Shteteve të Bashkuara të Amerikës, Joe Biden, si dhe ish-presidentet Barack Obama dhe Bill Klinton.
Raporti i gazetarit Fidan Zejnullahu.
