Skuadra e Prishtinës ka arritur fitore të madhe në luftën për mbijetesë në udhëtim tek Gjilani me rezultat 1-2, duke u kthyer në lojë nga disavantazhi.
Kryeqytetasit e gjetën vetën në disavantazh pas golit të Albert Dabiqajt në minutën e 33-të, për të barazuar më pas Besnik Krasniqi në minutën e 45 nga penalltia. Dhjetë minuta para fundit të ndeshjes Guthier Mankenda i dha epërsinë Prishtinës, e që në fund doli të jetë goli i fitores.
Gjilani momentalisht gjendet në pozitën e tretë, me pikë të barabarta me vendin e dytë, Dritën që ka një ndeshje më pak të zhvilluar, ndërsa Prishtina me këto tri pikë kap pozitën e pestë në tabelë.
