Ka nisur intervenimi i KFOR-it nga ajri për shuarjen e zjarrit në Prevallë. Ekipi i Tëvë1, është duke qënduar në Prevallë, ku në pamjet e dërguara shihet intervenimi i KFORI-it.
Ky intervenim vjen pasi zjarri ka filluar të përhapet edhe në pjesën e Shtërpces, ndërsa 95% e vatrave të zjarrit llogariten që janë ndalur.
Ndryshe, Ministria e Punëve të Brendshme, respektivisht Agjencia e Menaxhimit të Emergjencave, ka njoftuar se aktualisht nuk ka rrezik për jetën dhe pasurinë e banorëve në Prevallë.
Sipas njoftimit, për shuarjen e zjarreve janë të angazhuar zjarrfikësit nga Prizreni, Gjakova, Prishtina dhe Ferizaj.
“Ministria e Punëve të Brendshme, respektivisht Agjencia për Menaxhimin Emergjent, dje ka bërë të ditur se në situatën e krijuar nga zjarri në sipërfaqe të hapur në Parkun Nacional në Prevallë, aktualisht janë në operacione për fikjen e zjarrit nga toka, përveç Njësisë së Zjarrfikës dhe Shpëtimit nga Prizreni, edhe Njësitë e Zjarrfikjes dhe Shpëtimit nga Gjakova, Prishtina dhe Ferizaj”, thuhet në njoftim.
Më poshtë mund t’i gjeni pamjet:
