Të rinjtë e Partisë Demokratike të Kosovës kanë mbajtur një aksion simbolik para objektit të Qeverisë së Kosovës.
Në Ditën Ndërkombëtare të Rinisë, ata kanë bërë përgjegjës Qeverinë Kurti për ikjen e të rinjve nga vendi, duke thënë se kjo qeveri është ajo që duhet të ikë.
“’Rinia po ikë, Albin Kur’ti?” – ishte moto e këtij aksioni, i cili mban përgjegjës Qeverinë Kurti për largimin e mbi 200 mijë qytetarëve nga Kosova, kryesisht të rinj, në tri vitet e fundit. Kjo Qeveri është përgjegjëse për humbjen e shpresës dhe perspektivës së rinisë kosovare, e cila tashmë po projekton ëndrrat e saj larg familjes, shoqërisë dhe vendlindjes së tyre. Rinia Demokratike e Kosovës vlerëson se kjo Qeveri, e cila ka dështuar të përmirësojë jetën dhe mirëqenien e rinisë kosovare, duhet të jetë ajo e cila duhet të ikë në shtëpi”, thuhet në komunikatë.