Shërbimi Korrektues i Kosovës ka njoftuar se është parandaluar futja e kontrabandës në Qendrën e Paraburgimit në Prishtinë.
Sipas njoftimit, gjatë patrullimit rutinë të perimenrit të brendshëm dhe zonave përreth zyrtarët korrektues kanë hasur në objekte të dyshimta, raporton teve1.info
SHKK-ja ka bërë të ditur se kanë zbuluar brenda një çorape ishte tentuar të futej një telefon me kartelë dhe kabllo për mbushje.
„Sot, rreth orës 10:00, në Qendrën e Paraburgimit Prishtinë, gjatë patrullimit rutinë të perimetrit të brendshëm dhe zonave përreth, zyrtarët korrektues kanë hasur në objekte të dyshimta. Pas një kontrolli të hollësishëm, është zbuluar se brenda një çorape të kamufluar ishte tentuar të futej kontrabandë, përkatësisht një telefon me kartelë dhe kabllo për mbushje”, thuhet në njoftim.
Tutje është bërë e ditur se kontrabanda është lokalizuar dhe janë njoftuar organet kompetente, teksa rasti ka filluar të hetohet.