Zyrtarët amerikanë të martën vizituan Kosovën, e ku besohet se sollën mesazhe tejet të qarta. Ata njoftuan presidenten e kryeministrin se dialogu duhet të vazhdojë pasi “status quo-ja”, sipas tyre, është e konvenueshme për Rusinë.
Duke u ndërlidhur më këtë vizitë, Qeveria e Kosovës, ka thënë për tëvë1 se ishte dhe mbetet e angazhuar në vazhdimësi për dialogun.
“Republika e Kosovës është treguar e përkushtuar, konstruktive dhe kreative në këtë proces. Qeveria nga dita e parë është angazhuar dhe vazhdon të angazhohet që dialogu të jetë parimor, i balancuar dhe për një marrëveshje me njohje reciproke në qendër”, thuhet në përgjigjen e Qeverisë.
Por, me këtë qasje të ekzekutivit nuk është e kënaqur opozita.
Enver Hoxhaj nga Partia Demokratike e Kosovës thotë se qeveria duhet të kërkoj nga BE-ja që të ketë takime të nivelit të lartë mes kryeministrit Albin Kurti dhe presidentit serb, Aleksandar Vuçiq.
Ndërsa, nga Lidhja Demokratike e Kosovës, thonë se është jetike që Qeveria ta kthej këtë proces në binarët politik.
SHBA dhe BE-ja po kërkojnë nga Kosova dhe Serbia që ta përmbyllin konfliktin shumëvjeçar me një marrëveshje të normalizimit të raporteve.
Raporti i gazetarit Valmir Gallopeni.
