Shërben si ministër i Kosovës për Komunitete dhe Kthim në Qeverinë e Kosovës. Por ky post duket se nuk i bën përshtypje, Kryetarit të Listës Serbe, Goran Rakiq, i cili nuk heziton që kohë pas kohe të kërcënojë sigurinë e vendit.
Rakiq, ka paralajmëruar me një mosbindje totale civile në veri të vendit nëse Policia e Kosovës fillon me arrestime. Ai ka thënë se ka informata se Prokuroria Speciale e Kosovës ka iniciuar procedurë ndaj mbi 70 qytetarëve serbë.
“Nëse Prishtina fillon me lëvizje të njëanshme, Zoti na ruajt, duke arrestuar qytetarët tanë, atëherë ne do të detyrohemi të rezistojmë me të gjitha mjetet demokratike dhe jodemokratike, që përfshin mosbindje totale civile për të mbrojtur të drejtat e qytetarëve tanë”, ka thënë Rakiq.
Këto deklarata të ministrit Rakiq po shihen si skandaloze nga deputeti i Lëvizjes Vetëvendosje Enver Dugolli.
E për hulumtuesin Abit Hoxha, Goran Rakiq duhet të shkarkohet nga Qeveria e Kosovës.
Nga publicisti Fatos Lubonja si i nevojshëm po shihet procesi i dialogu mes Kosovës dhe Serbisë.
Televizioni ka pyetur Bashkimin Evropian lidhur me deklaratat kërcënuese të ministrit Goran Rakiq, por nga Brukseli kanë refuzuar të kthejnë një përgjigje.
Raporti i gazetarit Shpat Blakçori.
