Deputeti i Lëvizjes Vetëvendosje, Mefail Bajqinovci , ka thënë se politikat e BE-së në dëm ta paqes, demokracisë e sovranitetit të Kosovës dhe ish-qeveritë e kaluar e kanë bërë veriun e Kosovës në çerdhe të krimit të organizuar dhe korrupsionit.
Ai këtë e ka thënë në një reagim ndaj zëdhënësit të BE-së, Peter Stano i cili tha se hapja e urës së Ibrit është “çështje shpërthyese”
“Pse argumenti i Stanos për Urën e Ibrit si çështje shpërthyese, nuk qëndron? Sepse janë pikërisht politikat e stabilokracisë në dëm të paqes, demokracisë e sovranitetit të shtetit të Kosovës, nga ana e BE-së dhe e ish-qeverive të Kosovës, që për vite me radhë, kanë shndërruar veriun e vendit në çerdhe të krimit të organizuar e të korrupsionit”, ka shkruar ai.
Bajqinovci ka thënë se hapja e urës do të thotë perspektivë zhvillimore edhe për serbët.
