Trajneri i Atalantas, Gian Piero Gasperini ka folur për mbrojtësin e Shqipërisë, Berat Gjimshitin në prag të ndeshjes me Real Madridin në kuadër të Superkupës së Evropës.
Gasperini ka thënë se është i lumtur që Gjimshiti vendosi të mbetet tek Atalanta dhe do ta ketë shtyllë të mbrojtjes edhe për sezonin e ri.
Trajneri italian prej që Gjimshiti të jetë njëri prej lojtarëve kryesor të ekipit të tij edhe në sezonin 2024/25, të cilin e nis më 14 gusht kundër Real Madridit.
Gjimshiti ditë më parë refuzoi transferimin në Katar, përkundër ofertës joshëse nga skuadra Al-Rayyan, e cila i kishte ofruar kontratë trevjeçare me pagë vjetore prej 4 milionë eurosh.
Po ashtu, klubi nga Lindja e Mesme i kishte ofruar Atalantas mbi 10 milionë euro për kartonin e Gjimshitit, i cili me ekipin italian ka kontratë deri në vitin 2026.
31-vjeçari sezonin e shkuar ishte i pazëvendësueshëm dhe regjistroi 54 paraqitje në të gjitha garat me fanellën e Atalantas, ekip me të cilin triumfoi në Ligën e Evropës.
