Sulmuesi i Francës, Kylian Mbappe i është bashkuar Real Madridit në stërvitje dhe të enjten ka kompletuar seancën e dytë nën urdhrat e trajnerit Carlo Ancelotti.
Mbappe u prezantua te Real Madridi javë më parë dhe pritet të jetë arma kryesore e ekipit spanjoll në fazën e sulmit.
Ai iu bashkua Realit si lojtar i lirë pasi i skadoi kontrata me PSG-në, dhe tek ekipi i ri do ta bartë fanellën me numrin 9.
Mbappe dhe lojtarët tjerë, Dani Carvajal, Ferland Mendy, Eduardo Camavinga, Aurelien Tchouameni, Federico Valverde e Jude Bellingha, tashmë po bëhen gati për sezonin e ri.
Në fakt, këta lojtarë që i janë bashkuar Realit në fazën përgatitore me vonesë për shkak të angazhimeve me kombëtaret e tyre, do të kenë rreth një javë në dispozicion për t’u bërë gati për ndeshjen e parë zyrtare të sezonit të ri.
Real Madridi javën e ardhshme mund ta fitoj trofeun e parë për sezonin 2024/25, pasi do të luaj kundër Atalantas në Superkupën e Evropës.
Reali është kampion në fuqi i Ligës së Kampionëve, ndërsa Atalanta triumfoi në Ligën e Evropës, kundërshtarë që do të përballen më 14 gusht në Varshavë të Polonisë prej orës 21:00.
