Feronikeli ’74 ka forcuar radhët e veta me mbrojtësin e krahut të majtë, David Gjinollari.
25-vjeçari është prezantuar të mërkurën te Feronikeli ’74 dhe me ekipin nga Drenasi ka firmosur kontratë për sezonin 2024/25.
Gjinollari sezonin e fundit ishte pjesë e Dinamo Cityt dhe në Kategorinë Superiore të Shqipërisë ka regjistruar 35 paraqitje kurse ka shënuar 1 gol dhe ka bërë 1 asistim.
Ai ka luajtur edhe për Burrelin, Teutën e Durrësit dhe Hradec Kralove të Çekisë.
Gjinollari është përforcimi i gjashtë i Niklit brenda pak ditëve, pasi para tij janë prezantuar edhe Hasan Hyseni, Davide Borsellini, Stivian Janku, Nikolaos Ioannidis e Vasileios Karagkounis.
Feronikeli ’74 ndeshjen e parë në sezonin e ri të Superligës së Kosovës e luan në udhëtim te Ferizaj, që luhet të shtunën prej orës 17:00.