Mesfushori i Spanjës, Rodri dhe sulmuesi Alvaro Morata janë dënuar nga UEFA për thirrjet nacionaliste në lidhje me Gjibraltarin teksa po festonin triumfin në “Euro 2024”.
Dënimi nga UEFA erdhi pasi dy futbollistët spanjoll kishin brohoritur “Gjibraltari është Spanjë” derisa ishin në skenë para mijëra tifozëve, duke e nxitur turmën për thirrje të përbashkëta.
Ky veprim rezultoi me ankesë zyrtare nga Federata e Futbollit të Gjibraltarit, ndërsa pati edhe reagime nga kryeministri i këtij vendi.
Rodri e Morata janë dënuar me nga një ndeshje moslojë në garat zyrtare të organizuara nga UEFA, që do të thotë se ata do t’i mungojnë Spanjës më 5 shtator në kuadër të Ligës së Kombeve.
Spanja do të jetë pa këtë dyshe në ndeshjen e parë të Ligës së Kombeve, të cilën e luan në udhëtim kundër Serbisë.
