Lajmin për teve1.info e ka konfirmuar zëdhënësi i Policisë së Kosovës, Baki Kelani i cili bëri të ditur se gjatë këtij aksioni nuk ka ndonjë të arrestuar.
“Policia e Kosovës, në këtë rast departamenti i hetimeve ka realizuar një operacion policor në Mitrovicë, konkretisht në lagjen e Boshnjakëve. Gjatë këtij operacioni policorë është kryer bastisje në një lokacion. Nuk raportohet për të arrestuar, përderisa dy personave iu është lënë ftesë për paraqitje në Policinë e Kosovës, mbi dyshimin e bazuar për ndihmë në kryerjen e veprës penale”, tha Kelani.
Ndryshe, paraditen e së martës një njësi patrulluese e policisë kufitare e Policisë së Kosovës është sulmuar me armë zjarri në Zubin Potok.
Sipas Policisë, përveç dëmeve materiale nuk ka të lënduar.
Ndërkaq, pas këtij rasti Njësia Speciale e Kosovës është vendosur në pikën kufitare në Bërnjak ku edhe po e mbikëqyr situatën./teve1.info/