Dy persona janë arrestuar nga Policia e Kosovës, lidhur me plagosjen e djeshme të gruas në Fushë-Kosovë.
Policia thotë se bashkëshorti i viktimës ka shtënë me armë zjarri drejt saj, ndërsa i dyshuari tjetër dyshohet se ka marrë armën dhe e ka larguar nga vendi i ngjarjes.
“Viktima është dërguar në QKUK për tretman mjekësor dhe sipas mjekëve është jashtë rrezikut për jetë. Pistoleta me tre fishekë dhe tri gëzhoja janë sekuestruar. Me vendim të prokurorit të dyshuarit janë dërguar në mbajtje”, thuhet në raportin ditor të PK-së./teve1.info/
