Barcelona ka siguruar shërbimet e mesfushorit ofensiv, Dani Olmo kanë njoftuar të martën mediumet e huaja.
Pasi marrëveshja është arritur mes të gjitha palëve, Olmo brenda kësaj jave pritet të zyrtarizohet te skuadra e Barcelonës.
Për kartonin e Olmos, Barcelona është pajtuar të paguaj 55 milionë euro plus shtatë milionë euro tjera në formë bonusesh.
Olmo do të firmos kontratë gjashtëvjeçare me Barcelonën dhe do të jetë pjesë e ekipit nga “Camp Nou” deri në verën e vitit 2030.
26-vjeçari prej vitit 2020 ishte pjesë e skuadrës gjermane ndërsa kishte kontratë deri në vitin 2027.
Olmo ka qenë pjesë e akademisë “La Masia” të Barcelonës , por u pat larguar në vitin 2014 për t’u transferuar në Kroaci te Dinamo Zagrebi.
Ai ka edhe 39 paraqitje dhe 11 gola të shënuar për Spanjën, kombëtare më të cilën triumfoi në Kampionatin Evropian “Gjermania 2024”.