Kryeministri i Maqedonisë së Veriut, Hristijan Mickoski, pas takimit me kryeministrin e Kosovës, Albin Kurti, është deklaruar për media.
Mickoski, gjatë deklarimit e ka përmendur incidentin e presidentes Vjosa Osmani në Aeroportin e Shkupit, ku Presidenca tha se iu kërkua të skanohej telefoni i saj nga stafi i aeroportit.
“Na vjen keq dhe nuk duam të përsëritet. Unë personalisht theksova se presidentja e Kosovës është e mirëseardhur si edhe të gjithë qytetarët e Kosovës, herën e ardhshme kur të marr informatë, do të kem kënaqësi ta pres si nikoqire në Aeroportin e Shkupit dhe bashkë me mua derisa nuk udhëton nga Shkupi të jemi bashkë dhe ta shoqëroj në kohën që do ta kalojë në aeroport që t’u shmangemi këtyre incidenteve e veçanërisht sjelljeve të individëve që është problemi ynë i brendshëm që do ta zgjedhim brenda në shtetin tonë”, deklaroi kryeministri maqedonas.
Mickoski tha se me Kosovën duan marrëdhënie të mira fqinjësore.
“Marrëdhëniet e mira fqinjësore janë rrugë me dy drejtime. Duam që me Kosovën të kemi marrëdhënie të mira fqinjësore dhe të frytshme si qeveri do ta mbështesim këtë parim dhe nuk shoh shkas që kjo të mos ndodh në të ardhmen”./teve1.info/
