Me vetëm 3 zjarrfikës në ndërrim, tash e sa kohë po operon shtabi i Zjarrfikësve në Rahovec. Madje edhe pajisjet të cilat i përdorin janë të stërvjetruara e jashtë funksionit. Për këtë nga Komuna e Rahovecit thonë se kanë kërkuare ndihmë nga Agjencia e Menaxhimit Emergjent, por nuk kanë marrë përgjigje. E në këto kushte sipas ekspertit të çështjeve Emergjente, Tahir Ahmetit janë zjarrfikësit në tërë territorin e Kosovës.
Pa mjete të mira të punës e me numër të vogël te stafit punojnë zjarrfikësit në Rahovec.
Madje edhe telefoni për pranimin e thirrjeve emergjente shpeshherë është jashtë funksionit.
Kështu zjarrfikësit duhet të gjejnë alternativa te tjetër.
“Kushtet nuk janë bash të mira këtu kamionët janë të vjetër por me qito kushte qe kemi jemi tu mund dhe po punojmë. Po me telefona shpesh me këta zyrtarët por me telefona privat po merrmi vesh”, ka thënë Niki Kollari nga shtabi i zjarrfikësve në Rahovec.
Përveç kushteve jo të mira të punës, sipas drejtoreshës për emergjenca në Komunën e Rahovecit, Besmire Bytyqi, edhe numri i zjarrfikësve është i vogël.
“Varësisht nga ditët por kemi ditë që ndodhin dy tre zjarre ku edhe kemi të pamundur të jem në kohë, se numri i zjarrfikëseve për secilën është katër zjarrfikës ka raste dhe 3”, thotë Bytyqi.
Bytyqi madje thotë se kanë kërkuar nga Ministria e Brendshme, konkretisht nga Agjencia e Menaxhimit Emergjent të rritet numri i zjarrfikësve por nuk kanë marrë përgjigje.
Por jo vetëm kjo komunë, sipas ekspertit të emergjencave në të gjitha qytete e Kosovës, zjarrfikësit përballen me probleme të njëjta.
“Unë mendoj që jo vetëm në Komunën e Rahovecit por në mbarë territorin e Kosovës mjetet dhe pajisjet e zjarrfikësve lejnë për të dëshiruar duhet që të investohet gjithashtu edhe numri i zjarrfikësve në mbarë territorin e Kosovës është shumë i vogël andaj duhet edhe burimet njerëzore, pra në staf që të rritet numri i zjarrfikësve”, ka thënë Tahir Ahmeti ekspert i emergjencave.
Tëvë 1 ka dërguar pyetje edhe në Agjencinë e Menaxhimit Emergjent por të njëjtit nuk kanë kthyer përgjigje deri në momentin e publikimit të kronikes.
