Zëdhënësi i Bashkimit Evropian për Politikë të Jashtme, Peter Stano, ka deklaruar sot se çdo vendim për hapjen eventuale të urës së Ibrit duhet të merret në kuadër të dialogut në mes Kosovës dhe Serbisë.
“Rihapja e urës është çështje dialogu dhe çdo vendim për hapjen e saj duhet të merret brenda kornizës së dialogut”, deklaroi Stano sot në Bruksel.
I pyetur se çka do të ndodhë nëse Kosova merr vendim për hapjen e kësaj ure, Stano tha se BE-ja nuk spekulon kurrë në skenarët “po sikur” dhe përsëriti se qëndrimi i përgjithshëm i Bashkimit Evropian është se është e nevojshëm të zbatohen marrëveshjet, të arritura në kuadër të dialogut.
Kryeministri i vendit, Albin Kurti ditë më parë pati deklaruar se hapja e urës së Ibrit nuk është kundër askujt.
