Nga kjo javë të gjithë serbët që kanë pasaporta të lëshuara nga Drejtoria Koordinuese e shtetit serb, do të mund të lëvizin lirshëm nëpër Evropë.
Këtë vendim e ka marrë Këshilli i Bashkimit Evropian duke liberalizuar vizat serbëve të Kosovës sipas të cilave Kosova është pjesë e Serbisë.
“Miratimi i sotëm nga Këshilli përfundon procesin legjislativ. Me hyrjen në fuqi të rregullores, e cila do të ndodhë në ditën e 20-të pas botimit në Fletoren Zyrtare të BE-së, ajo do të bëhet e zbatueshme në të gjitha shtetet anëtare të BE-së”.
Por kryetari shqiptar i Zubin Potokut, komunë e cila ka shumicë komunitetin serb, po vlerëson se një vendim i tillë është negativ.
“Besoj që është një vendim negativ i kontribuon inkurajimit të sabotimit të themi të ligjeve të Republikës së Kosovës por megjithatë është vendim që është marrë në instanca të larta evropiane dhe unë e shoh në këndvështrimin negativ i kontribuon pak a shumë edhe një ndarje mund të them ashtu neglizhim kurjotj që është edhe ashtu i ligjeve të Kosovës”, tha kryetari Izmir Zeqiri.
Sipas tij, kjo do të pamundësojë integrimin e serbëve në Institucione të Kosovës por edhe do t’i shtyjë ata të mos pajisen me dokumente të Kosovës.
“Po mund të ndalet trendi i kërkesave ndoshta për t’u pajisur ndoshta prej atyre personave që janë të pajisur me atë dokument mund të ndalet ajo sepse me siguri do të jenë ata qysh me thënë mjaftueshëm me atë dokument sepse unë gjithmonë e shoh e kam parasysh se më i mirë edhe më i qëndrueshëm edhe më kredibil do të jetë dokumenti si pasaportë e Republikës së Kosovës sesa ndonjë dokument i tillë”, tha ai.
Po ashtu edhe i pari i Zveçanit thekson se përkundër vendimeve të tilla, qytetarët prapë se prapë do të pajisen me dokumente të Republikës së Kosovës.
“Unë si kryetar i Zveçanit do t’i respektojë vetëm vendimet të cilat dalin nga Qeveria e Republikës së Kosovës dhe vendime tjera, propozime tjera absolut nuk i ndalim… Mundet me ndiku fillimisht për disa kohë dmth negativ mirëpo praprë besoj që qytetarët janë qaq të vetëdijshëm mos me ra në këtë ndikim”, tha kryetari Ilir Peci.
Ndaj këtij vendimi ka reaguar edhe kryeministri Kurti ku e cilësoi si të padrejtë dhe të dëmshëm dhe që sipas tij është dekurajues për integrimin e serbëve të Kosovës.
