Qyteti i Gjakovës do ta ketë një stadium model me përmasat dhe standardet e fundit të ndërtimit. Kështu, ka bërë të ditur kreu i FFK-së, Agim Ademi nëpërmjet një postimi në rrjetet sociale, të mërkurën.
Ademi ishte në vizitë te kreu i Komunës së Gjakovës, Ardian Gjini dhe arsyeja e kësaj vizite ishte pikërisht ndërtimi i stadiumit. Madje, Ademi ka paralajmëruar se në vitin 2026, Kombëtarja e Kosovës do ta luaj ndeshjen e parë në stadiumin e Gjakovës, qoftë ajo miqësore apo zyrtare.
Stadiumi i Gjakovës do të ketë një kapacitet prej 14.500 ulësesh dhe do të plotësoj të gjitha kriteret për zhvillimin e ndeshjeve ndërkombëtare. Ky projekt ka nisur me fonde lokale dhe tani po vazhdon me ndihmën e MKRS-së.
Gjithashtu, Ademi dhe Gjini kanë nënshkruar një memorandum bashkëpunimi për një fushë ndihmëse.
