Në shoqëri të avokatit të saj dhe mbrojtjes së afërt, ministrja e drejtësisë po vjen drejt stacionit policor në Prishtinë për tu intervistuar nga prokuroria speciale.
Haxhiu këtë ftesë e mori për një postim të saj në Facebook por edhe një deklaratë në një studio televizive.
E pas më shumë se dy orësh intervistim, ajo para mediave tha se dikujt po i pengon reforma në drejtësi.
E nga Instituti Kosovar për Drejtësi vlerësojnë se intervistimi i saj nënkupton se fjala e ministres ka një përgjegjësi të madhe publike.
Hulumtuesi Flamur Kabashi thotë se deklarata të tilla cenojnë sigurinë kombëtare por edhe besimin e qytetarëve në institucionet korrektuese në Kosovë.
Ndërkohë, Haxhiu ka folur po ashtu edhe për arratisjen e ish të burgosurit Faton Hajrizi që është vrarë në Serbi, ku thotë se për këtë arsye tashmë ka marrë edhe kërcënime serioze.
Haxhiu është ftuar për intervistim pasi që kishte shkruar se në burgjet e Kosovës ka ndikim edhe shteti serb në disa arratisje.
Po ashtu, edhe për disa deklarata ku kishte thënë se disa prokurorë kishin tentuar indirektë që të takohen me të por që ajo kishte refuzuar.
