Kryetari i FFK-së, Agim Ademi në orët e vona ka vizituar futbollistin e Vllaznisë, Alban Rexhepin i cili sot pësoi arrest kardiak.
Sulmuesi, Rexhepi ka pësuar arrest kardiak në takimin e të dielës me Flamurtarin, futbollisti është dërguar në spital dhe pas ekzaminimeve mjekësore u konstatua se Rexhepi ka pësuar arrest kardiak, dhe si rrjedhojë atij i është vënë një stentë.
Ademi në mesazhin e treguar përmes rrjetit social Facebook, ka shkruar se është i gatshëm ta ndihmojë në çdo lloj forme futbollistin Rexhepi.
“Fatmirësisht Albani tashmë është në gjendje të mirë, falë intervenimit të shpejtë të stafit mjekësor të QKUK-së. E urova për ta tejkaluar sa më parë këtë gjendje si dhe ia shpreha gatishmërinë për ndihmë në rast nevoje në të gjitha format. Urojmë që ai sa më parë të kthehet pranë familjes, por edhe klubit dhe futbollit”, ka shkruar Agim Ademi.
/Tëvë1/
