Ai tha se nuk janë marrë parasysh shkresat që i janë dërguar kryetarit të atëhershëm të Komunës së Prishtinës, Shpend Ahmeti, që të anulojë tenderin, pasi sipas tij, nuk mund të ketë tender për procedurë përmbarimore.
“Një problem tjetër që e kemi pasur që nuk e ka marrë për vlerësimin tonë sa duhet vëmendjen e mediave dhe publikut ka qenë fakti që Komuna e Prishtinës ka shpall tender për procedurën e përmbarimit në vitin 2018, ashtu sikurse në vitin 2021. Në atë kohë ka qenë kryetar Shpend Ahmeti dhe i kemi dërguar shkresa dhe i kemi thënë anuloje tenderin, nuk mundet me pas tender me procedurën e përmbarimit, sepse kjo është procedurë gjyqësore, nuk ka tender me procedurë të përmbarimit, nuk ka tender me procedura gjyqësore, sepse veprimet janë të njëjta, autorizimet janë të njëjta, tarifat janë të njëjta dhe unë nuk mund të ofroj diçka më shumë se ju edhe nëse jemi të dy përmbarues, ose ju nuk mund të ofroni diçka më shumë se unë. Nuk na ka dëgjuar, e ka shpallur tenderin, iu sugjerova kolegëve të mi të mos marrin pjesë në tender, shumica nuk morën pjesë, morën pjesë dy, tre përmbarues, njëri prej tyre u shpall fitues, ditën e mirë kush nuk merr përgjegjësi”, tha ai në emisionin “De Jure” në Tëvë1.
Për më shumë, ndiqeni emisionin “De Jure” me temë “Sfidat e përmbaruesve privat”, i cili transmetohet në Tëvë1 dhe “Betimi për Drejtësi”./Tëvë 1/
