Mbrëmja e së premtes ishte tragjike për një 40-vjeçar nga Peja.
Ai u sulmua me thikë para derës së shtëpisë së tij këtu në rrugën “Jeton Dedushaj” në Pejë.
E rastin e kanë konfirmuar edhe nga Policia e Kosovës.
“Raportohet se viktima mashkull kosovar, është gjetur i shtrirë në oborrin e shtëpisë i gjakosur në kokë, trup dhe pa vetëdije. Autoambulanca ka dalë në vend ngjarje dhe viktima është transportuar në spitalin e Pejës e më pas për shkak të gjendjes serioze është transportuar në QKUK”, thuhet nga Policia e Kosovës.
Derisa të dyshuarit janë arritur të identifikohen dhe tashmë janë shpallur në kërkim.
Televizioni ka tentuar të marrë përgjigje për gjendjen e të lënduarit, por që nga Emergjenca nuk kanë qenë të qasshëm.
Sipas burimeve të tëvë1, dyshohet se e gjithë kjo ngjarje ka ndodhur për shkak të një kontesti pronësor.