Sulmuesi i Francës, Kylian Mbappe ka pasur telashe në “Euro 2024” por ai sërish udhëheq në disa prej listave të statistikave të këtij turneu.
Mbappe i prinë listës së lojtarëve që kanë arritur shpejtësinë më të madhe në këtë Evropian që po mbahet në Gjermani.
Në ndeshjen çerekfinale kundër Portugalisë, të cilën Franca e eliminoi pas penalltive, Mbappe gjatë një vrapimi arriti shpejtësinë prej 36.5 kilometrave në orë.
Lojtari tjetër që ka arritur kufirin e vrapimit prej 36 kilometrave në orë është sulmuesi i krahut, Ferran Torres që është pjesë e Spanjës dhe renditet i dyti në listë.
I treti me shpejtësinë më të madhe në “Euro 2024” është sulmuesi i Sllovenisë, Benjamin Sesko që arriti shpejtësinë prej 39.9 kilometrave në orë.
Vendin e katërt, e ndajnë Leroy Sane i Gjermanisë dhe Valentin Mihaila i Rumanisë, të cilët kanë arritur shpejtësinë maksimale prej 35.8 kilometra në orë.