Xherdan Shaqiri pritet të rikthehet në Evropë këtë verë pas më shumë dy vjetësh në SHBA.
Bëhet e ditur se interesim për Shaqirin ka shprehur skuadra nga Greqia, Panathinaikos që së shpejti do të nis negociatat me Chicago Fire.
Shaqiri po shihet si transferim i madh tek ekipi grek për edicionin e ri, përkundër që në “Euro 2024” nuk pati shumë hapësirë te Zvicra.
Ai luajti në dy ndeshje ku shënoi një gol, ndërsa Zvicra u eliminua nga Anglia në çerekfinale të Evropianit.
Shaqiri prej fillimit të vitit 2022 bën karrierë te Chicago Fire ku edhe është kapiten, ndërsa me ekipin amerikan ka kontratë deri në fund të këtij viti. Para se të transferohej në SHBA, Shaqiri ka pasur një karrierë të madhe dhe të suksesshme në Evropë.
32-vjeçari që si profesionist debutoi te Baseli, ka luajtur edhe për Bayern Munchenin, Interin, Stoke Cityn, Liverpoolin e Lyonin.