Mbrojtësi i krahut, Joao Cancelo mund të rikthehet në futbollin italian.
“La Stampa” bën të ditur se futbollisti i Manchester Cityt i është ofruar Juventusit dhe Interit pasi nuk bën pjesë në planet e klubit nga Premier League.
Mësohet se agjenti i tij, Jorge Mendes tashmë ka kontaktuar Juventusin dhe Interin për mundësinë e transferimit të Cancelos pasi Barcelona nuk ka shfrytëzuar opsionin e blerjes së tij.
City po kërkon të paktën 25 milionë euro për Cancelon, i cili është i gatshëm të pranoj pagë më të ulët vetëm për t’u kthyer në Serie A dhe për të luajtur në Ligën e Kampionëve.
Cancelo në sezonin 2017/18 ka luajtur për Interin, ndërsa në sezonin 2018/19 ka qenë pjesë e Juventusit, përpara se t’i bashkohet Cityt. Ai me Cityn ka kontratë deri në vitin 2027.
Ai ishte pjesë e Portugalisë në “Euro 2024”, turne në të cilin u eliminua në 1/8 e finales nga Franca pas penalltive.
