Veterani Daley Blind ka një rol krejtësisht tjetër te Holanda në “Euro 2024”, ku i përkrah dhe udhëzon futbollistët e rinj të ekipit.
34-vjeçari që ka regjistruar 108 paraqitje, ka qenë kapiten i Holandës dhe ka marrë pjesë në dy Botërore e një Evropian në turneun që po mbahet në Gjermani ka luajtur vetëm një minutë.
Në fakt, ai është futur si zëvendësues në fund të takimit ndaj Rumanisë në 1/8 e finales, të cilin Holanda e fitoi me rezultatin 3:0.
Rol të ngjashëm, Blind do të ketë edhe në çerekfinale kundër Turqisë, ndeshje kjo që luhet të shtunën.
“Unë tashmë jam pajtuar me rolin e ri dhe për mua është e rëndësishme t’i ndihmoj lojtarët e rinj. Ndihma ime ka bërë që të arrijmë deri në çerekfinale dhe shpresoj ta kalojmë edhe Turqinë. Ndihem krenar me rolin tim, i cili është t’i mbaj të motivuar bashkëlojtarët”, ka thënë Blind.
34-vjeçari mund t’i mbuloj disa role në fushë por në “Euro 2024” ka një mision tjetër, ta shtyjë ekipin drejt finales së madhe.
