Zvicra asnjëherë nuk ka arritur në gjysmëfinale të një turneu të madh, por në “Euro 2024” ka një rast unik për t’u futur në mesin e katër kombëtareve të mira.
Për të prekur gjysmëfinalen, Zvicrës i duhet ta eliminoj Anglinë në çerekfinale, ndeshje kjo që luhet të shtunën prej orës 18:00.
Zvicra ka treguar paraqitje të mira në këtë Evropian dhe po del të jetë befasia më e madhe e këtij turneu, duke pasur parasysh së fazën e grupeve e mbylli me pikë të barabarta me Gjermaninë në kuadër të Grupit A.
Në katër ndeshje të luajtura deri më tani, Zvicra nuk di për humbje pasi ka regjistruar dy fitore e dy barazime, ku në 1/8 e finales e eliminoi Italinë që ishte kampione në fuqi e Evropës.
Për dallim prej Zvicrës, Anglia është kritikuar shumë për paraqitjet e saj në “Euro 2024” dhe nuk po vlerësohet favorite përball “helvetikëve”.
Zvicrës në fushë ndaj Anglisë pritet t’i prijë kapiteni Granit Xhaka, ndërsa Xherdan Shaqiri sipas të gjitha gjasave do të jetë rezervist në këtë përballje.
