Pas klubeve nga Serie A e Italisë, në garë për Edon Zhegrovën është futur edhe skuadra e Arsenalit.
Bëhet e ditur se Arsenali po e monitoron nga afër situatën e Zhegrovës, i cili pritet të largohet nga Lille gjatë kësaj vere.
Trajneri i Arsenalit, Mikel Arteta po e sheh Zhegrovën si përforcim të duhur dhe ka dhënë dritën e gjelbër për transferimin e tij.
25-vjeçari sezonin e fundit ishte njëri prej lojtarëve kryesor të Lillet, ku shënoi 12 gola dhe bëri 10 asistime në 47 paraqitje në të gjitha garat.
Zhegrova ka kontratë me Lillen deri në vitin 2026, ndërsa kartoni i tij po vlerësohet mbi 20 milionë euro.
Ai prej janarit të vitit 2022 është pjesë e ekipit francez, ndërsa ka edhe 34 paraqitje e 4 gola të shënuar me Kombëtaren e Kosovës.