Trajneri i Kombëtares së Anglisë, Gareth Southgate pritet ta ndryshoj formacionin për ndeshjen çerekfinale kundër Zvicrës.
Mediumet britanike kanë bërë të ditur se Southgate ka vendosur të paraqitet me tre mbrojtës në duelin që luhet të shtunën pasdite.
Ezri Konsa i Aston Villas, thuhet se do ta zëvendësoj Marc Guehin e suspenduar në mbrojtje. Konsa në repartin defensiv do të luaj përkrah John Stonesit e Kyle Walkerit duke e përbërë treshen para portierit Jordan Pickford.
Pra, bazuar në këto raportime, Southgate do t’i kundërvihet Zvicrës me sistemin 3-5-2, ku në sulm Harry Kane do të luaj së bashku me Ivan Toneyn, ndërsa Trent Alexander-Arnold do të rikthehet në rolin e tij natyral në krah për të operuar para dhe prapa.
Me sistemin 3-5-2, Southgate luajti edhe në vazhdime kundër Sllovakisë, të cilën e eliminoi në çerekfinale me rezultatin e ngushtë 2:1.
