Mbrëmjen e së premtes Bosnja e Hercegovina u goditë nga një tërmet më magnitudë 5.7 shkallë.
Nga ky tërmet një 28 vjeçare humbi jetën si pasojë e lëndimeve që mori.
E dridhjet e tokës u dëgjuan edhe në Kosovë.
Mirëpo, sipas drejtorit të Institutit Sizmologjik të Kosovës, Shemsi Mustafa, nuk mund të përjashtohet mundësia që vendi të goditet nga një tërmet i tillë. Kjo për shkak të disa faktorëve.
“Bazuar në pozitën në të cilën ndodhët Kosova, bazuar edhe në cilën zonë sizmike ndodhet Kosova gjendet në një zonë aktivet semzike të lartë…por mund të goditet deri në 6.5 shkallë të riheterit”, thotë Mustafa.
Sipas Mustafës janë disa zona të cilat janë më të rrezikuara nga tërmetet.
“Zona më të rrezikuara janë zona Veriore e Kosovës”, tha ai.
Por shqetësuese në vend mbetet edhe çështja e ndërtimeve.
Eksperti i inxhinierisë së ndërtimit, Florim Grajçevci, njëherazi Dekan në Fakultetin e Ndërtimtarisë, po kërkon që të bëhet vlerësimi i ndërtimeve të bëra para viteve të 2000-ta.
“Kur flasim për ndërtimet që janë pas vitit 2000 ato që jan ndërtime më leje janë karshi këtyre standardeve dhe këto standerta marrin parsysh veprimeve nga termet prandaj ne i konisdorojme cilesor….ndërsa kur flasim për ndërtime para kësaj periudhe atëher këto standarde jane më të ulëta”, thotë Grajçevci.
Kujtojmë se më 26 nëntor të vitit 2019, Shqipëria veriperëndimore u godit nga një tërmet i fortë me magnitudë 6.4, me ç’rast 51 njerëz mbetën të vdekur dhe mbi 3 mijë vetë u plagosën. U shembën pallate, shtëpi, shkolla e institucione të tjera.
Për nga shkalla e magnitudës, ky ishte tërmeti më i madh që ka goditur Shqipërinë në më shumë se dyzet vjet.
Kronika e realizuar nga gazetarja Doresa Geci.
