Çitaku ka thënë se tani në kohën kur Kosova ka mundësinë për anëtarësim në Këshillin e Evropës, ka raportime për një skandal financiar ku përfshihet ambasadori i Kosovës në Kroaci, Martin Berishaj, raporton Teve1.info
“Në një kohë kur për shkak të rrethanave përtej nesh dhe jashtë kontrollit tonë është krijuar një mundësi e artë për anëtarësimin e Kosovës në Këshill të Evropës për shkak të përjashtimit të Rusisë nga ky mekanizëm i rëndësishëm ndërkombëtar në vend se të gjitha resurset tona politike dhe diplomatike të jenë në funksion të jetësimit të këtij qëllimi madhor diplomacia e Kosovës duket të jetë e përfshirë në një aferë me përmasa rajonale”, ka thënë ajo.
Sipas saj, Qeveria dhe Presidenca nuk janë gjykatës e as prokurorë, ata duhet të ndërmarrin hapa për shkarkimin e menjëhershëm të Berishajt.
“Qeveria dhe Presidenca nuk janë as gjykatës dhe as prokurorë. Ata duhet të ndërmarrin hapa institucionalë dhe politikë – shkarkimin e menjëhershëm të Martin Berishajt nga funksioni i tij si ambasador. Unë ju them me bindje të plotë se nga dje, Berishaj nuk do të jetë në gjendje ta ustrojë detyrën e tij dhe fatkeqësisht ua ka bërë punën të vështirë edhe ambasadorëve tanë në vendet fqinje, mbështetja e të cilëve është e domosdoshme për arritjen e synimeve tona për anëtarësim në Këshillin e Evropës. Shkarkimi as që duhet të diskutohet, pastaj drejtësia do ta thotë fjalën e vet.”, ka deklaruar Çitaku. /teve1.info/
