Përfaqësuesi i Lartë i BE-së, Josep Borrell ka thënë se kryeministri i Kosovës, Albin Kurti nuk ishte i gatshëm për takim tre palësh.
Ai ka thënë se Kurti paraqiti tri kërkesa për procesin e normalizimit të raporteve, por që u refuzuan nga Serbia.
“Kosova nuk ishte e gatshme për këtë, Kosova nuk dëshironte ta mbante këtë takim tre palësh, por Serbia dëshironte. Nuk ishte e mundur që të ketë një takim tre palësh sot”, ka thënë Borrell pas takimit.
Kurti si pas Borrellit ka kërkuar që marrëveshjet e arritura të nënshkruhet nga Kurti e Vuçiq, të tërhiqet letra që ish-kryeministrja e Serbisë ka dorëzuar në BE, ku zotohet se Serbia nuk do të zbatojë marrëveshjet e arritura si dhe ka kërkuar që Milan Radoiçiq dhe grupi i tij që kreu sulmin në Banjskë të dorëzohen.
Ai ka thënë se do të vazhdojnë të punojnë në normalizimin e raporteve, por sipas tij kjo nuk mund të bëhet vetëm nga BE e SHBA, nëse nuk kanë vullnet Kosova dhe Serbia.
🔴 Live now: HR/VP @JosepBorrellF press statement following High-level Meeting of the Belgrade-Pristina Dialogue in Brussels. https://t.co/5Bjc5q8QYa
— European External Action Service – EEAS 🇪🇺 (@eu_eeas) June 26, 2024
