Policia e Kosovës ka njoftuar se me rekomandim të Prokurorit të Shtetit ka nisur hetimet lidhur me hyrje në sistemin kompjuterik të Postës së Kosovës.
Sipas PK-së një person është ankuar se pas kishte hyrë në një link i cili i kishte ardhur në telefon e kishte drejtuar të një link tjetër ku i janë kërkuar të dhënat personale dhe është dëmtuar financiarisht.
“Hetimi u iniciua pas denoncimit nga ankuesi se i njëjti në telefonin e tij kishte pranuar një link (lidhje-vegëz) me logo të një poste dhe pas klikimit në të është ridrejtuar në linkun tjetër ku i janë kërkuar të dhënat bankare personale. Pas futjes së të dhënave ankuesi ka raportuar se është dëmtuar në vlerë të konsiderueshme monetare. Andaj duke parë si të rrezikshme mundësime e manipulimit dhe keqpërdorimit të të dhënave të ndjeshme nga ana e linqeve të pasigurta sugjerojmë qytetarët që të kenë kujdes të shtuar kur japin të dhëna të tilla në platforma të pasigurta”, thuhet në komunikatën e PK-së.
Për këtë rast kishte njoftuar edhe Posta e Kosovës të hënën, ku ka bërë thirrje nga qytetarët të mos hapin linqe të tilla./teve1.info/
Posta e Kosovës njofton qytetarët: Mos klikoni SMS nga ne, po keqpërdorën të dhënat