Kryeministri i Kosovës, Albin Kurti, ka uruar Hristijan Mickoskin për zgjedhjen kryeministër të Maqedonisë së Veriut.
Ai ka thënë se Kosova dhe Maqedonia Veriore nuk janë vetëm fqinjë, por edhe aleatë.
Në një shkrim në X, Kurti ka thënë se pret me padurim të punojë me kryeministrin e ri maqedonas për përmirësuar edhe më shumë raportet ndërmjet dy vendeve, duke përmendur edhe ndërtimin e rrugën Tetovë –Prizren.
“Urime për zgjedhjen tuaj kryeministër i Republikës së Maqedonisë së Veriut. Kosova dhe Maqedonia e Veriut nuk janë vetëm fqinjë, por aleatë dhe partnerë të ngushtë në orientimin në NATO, bashkëpunimin rajonal dhe integrimin në BE. Nga rruga Prizren-Tetova deri te mbrojtja dhe siguria, pres me padurim të punoj me ju për të përmirësuar edhe më tej marrëdhëniet tona tashmë të forta dypalëshe”, ka shkruar Kurti.