Xherdan Shaqiri është plotësisht i bindur se Zvicra pa telashe do ta kaloj fazën e grupeve pasi një gjë të tillë do ta konfirmoj pas ndeshjes me Gjermaninë.
Gjermania tashmë është kualifikuar në fazën nokaut nga Grupi A pasi ka gjashtë pikë pas dy ndeshjeve të luajtura, dy më shumë se Zvicra që zë vendin e dytë.
Zvicra të mërkurën mbrëma barazoi 1:1 me Skocinë dhe ndeshjen e fundit në grup e luan me Gjermaninë. Sa i përket këtij dueli, që zhvillohet të dielën mbrëma, Shaqiri është shprehur optimist.
“Ne duam ta mposhtim Gjermaninë dhe nuk ka dyshim për këtë. DO të jetë një test i vështirë pasi do të përballemi me një kundërshtar shumë të fortë. Por, ne do të jemi gati për këtë ndeshje”, është shprehur Shaqiri, i cili shënoi supergol kundër Skocisë.
Krahas Shaqirit, pjesë e Zvicrës është edhe Granit Xhaka e Ardon Jashari.
