Kapiteni Edison Kqiku do të jetë pjesë e Gjilanit edhe për tri vjetët e ardhshme. Kqiku e ka rinovuar kontratën me Gjilanin deri në verën e vitit 2027.
Skuadra e Gjilanit ka zyrtarizuar vazhdimin e kontratës me Kqikun.
“Drejtori sportive Ertan Demiri ka prezantuar arritjen e bashkëpunimit me Kqikun, derisa i ka uruar shumë fat dhe sukses në sfidat e radhës të cilat e presin atë dhe gjithë skuadrën”, thuhej ndër të tjera në njoftimin e Gjilanit.
Ai në sezonin e fundit ishte ndër lojtarët kryesor të skuadrës së Gjilanit që në xhiron e fundit siguroi mbijetesën në Superligë.
