Sulmuesi i Kosovës, Albion Rrahmani duket se nuk do të largohet nga skuadra e Rapid Bukureshtit këtë verë.
Presidenti i klubit rumun, Viorel Moldovan ka thënë se dëshiron ta mbaj Rrahmanin në ekip edhe për sezonin e ri.
Sipas tij, ofertat që kanë ardhur për Rrahmanin nuk mjaftojnë për ta bindur Rapidin në lirimin e sulmuesit 23-vjeçar.
Napoli, Aston Villa, Benfica, Rangersi e shumë skuadra tjera kishin shprehur interesim për Rrahmanin, kartoni i të cilit po vlerësohet të paktën 8 milionë euro nga Rapidi.
“Ka oferta për Rrahmanin por nuk janë të mjaftueshme për nivelin dhe vlerat e tij. Kështu që, ne duam të vazhdojmë me Rrahmanin pasi ka kontratë me klubin dhe është shumë i rëndësishëm për ne”, ka thënë Moldovan.
Rrahmani ka kontratë me Rapidin deri në vitin 2026, ndërsa sezonin e fundit realizoi 17 gola në kampionatin e Rumanisë.
