Shqipëria është kundërshtarja e radhës e Kroacisë. Ndeshja Kroaci – Shqipëri zhvillohet të mërkurën nga ora 15:00 në Hamburg. Si Kroacia ashtu edhe Shqipëria, i humbën ndeshjet e para në Grupin B. Kroacia u mposht 3:0 nga Spanja, ndërsa Shqipëria pësoi 2:1 nga Italia.
“Ishin shumë të barabartë, madje Shqipëria ka mundur të barazojë. Nuk guxojmë ta nënçmojmë. Shqiptarët kanë përkrahje dhe ambicie, kanë energji me selektorin e ri. Nuk ishim shumë më të dobët se Italia, që kishte posedim dhe ka kontrolluar ndeshjen. Nuk janë shqiptarët as afër spanjollëve, nuk guxojmë t’i nënçmojmë, por e gjitha është te ne. Do të kemi edhe ne dominimin, duhet të dimë të vendosim atë ndeshje. Duhet të vendosemi si fitues”, ka thënë trajneri i Kroacisë, Zlatko Daliq.
Daliq u ka kërkuar falje tifozëve për humbjen e thellë nga Spanja, ndërsa ka thënë se në Berlin ishin 100 mijë tifozë kroatë. Ai ka përsëritur se synim i Kroacisë mbetet kalimi i grupit. Ka paralajmëruar ndryshime në formacion për ndeshjen ndaj Shqipërisë.
Mesfushorët Luka Modriq e Mateo Kovaçiq u zëvendësuan në pjesën e dytë të ndeshjes ndaj Spanjës, ndërsa Daliq thotë se këtë e ka bërë që t’i pushojë për ndeshjen me Shqipërinë.
Mediat kroate kanë shkruar se ylli Modriq ishte shumë i pakënaqur gjatë ndeshjes, si asnjëherë më parë.
