Rezervisti Wout Weghorst ia siguroi Holandës fitoren në ndeshjen ndaj Polonisë në kuadër të “Euro 2024”.
Weghorst në minutën e 83-të shënoi golin e fitores, ndërsa Holanda triumfoi me shifrat 2:1 në duelin e parë të Grupit D.
Kjo fitore është e rëndësishme për Holandën, duke pasur parasysh se gjendet në grup edhe me Francën e Austrinë.
Në fakt, Holanda luajti shumë më mirë dhe krijoi shumë raste por nuk arriti të realizoj më shumë se dy gola.
Golin e barazimit për Holandën, e cila ishte në disavantazh prej fillimit të takimit, e realizoi Cody Gakpo.
Gakpo realizoi në minutën e 29-të për 1:1 me asistimin e Nathan Ake, i cili asistoi edhe në golin e fitores.
Golin e vetëm për Poloninë, e cila në këtë takim u paraqit pa Lewandowskin, e shënoi sulmuesi Adam Buksa (16’).