Trajneri i Kombëtares së Shqipërisë, Sylvinho ka publikuar formacionin për ndeshjen kundër Italisë, e cila i takon Grupit B dhe nis në orën 21:00 në stadiumin “Signal Iduna Park”.
Sylvinho ka vendosur të sulmoj me Armando Brojën, i cili do të përkrahet nga prapa prej treshes Nedim Bajrami, Taulant Seferi e Jasir Asani.
Para mbrojtjes janë të vendosur Kristjan Asllani e Ylber Ramadani, ndërsa reparti defensiv përbëhet nga Mario Mitaj e Elseid Hysaj në krah kurse në qendër janë vendosur Berat Gjimshiti e Arlind Ajeti. Në portë, do të jetë Thomas Strakosha.
Me formacionin 4-2-3-1, do të paraqitet edhe Italia, ku sulmuesi i vetëm do të jetë Gianluca Scamacca. Prapa Scamaccas janë vendosur Federico Chiesa, Lorenzo Pellegrini e Davide Frattesi.
Jorginho e Nicolo Barella do të luajnë para mbrojtjes kurse në vijën e mbrojtjes janë vendosur Giovanni Di Lorenzo, Riccardo Calafiori, Alessandro Bastoni e Feferico Dimarco.
Në portë është kapiteni Gianluigi Donnarumma.
